Flugmaður tekinn með fölsuð vegabréf

Landamæraeftirlit lögreglunnar á höfuðborgarsvæðinu lagði hald á þrjú fölsuð vegabréf sem fundust í fórum flugmanns. Maðurinn millilenti á Reykjavíkurflugvelli nýlega. Við leit kom í ljós að hann hafði undir höndum vegabréfin þrjú sem tilheyrðu greinilega ekki flugmanninum sjálfum.

Flugmaðurinn sagðist hafa komið frá Kanada og væri á leiðinni til Skotlands. Þegar hann var inntur eftir því hver ætti vegabréfin sagði hann að þau væru ætluð konu og börnum hennar. Hann sagði vilja auðvelda ferðalagið þeirra frá Azerbaijan.