Kjánalegar pælingar

Gerard Butler er nú á ferð og flugi við að kynna nýjustu kvikmynd sína, Law Abiding Citizen. Í sjónvarpsviðtali í Englandi var hann spurður út í ástarlíf sitt og hvort hann hafi í raun átt í sambandi við leikkonurnar Jennifer Aniston og Lindsay Lohan. Butler þvertók fyrir það og sagði þessar vangaveltur vera orðnar kjánalegar.

„Sannleikurinn er að á meðan á öllu þessu stóð átti ég í nokkrum stuttum samböndum og enginn vissi af því. Á meðan voru glanstímaritin að spá hvort ég væri með einhverjum sem ég hafði kannski bara rætt við í nokkrar mínútur."

Butler, sem er fertugur, sagði jafnframt að hann heillaðist af konum sem hann ætti ekkert sameiginlegt með. „Ég fell oft fyrir klikkuðum stelpum sem mér finnst alveg frábærar."