Kolo Toure vill fá Yaya til City

Kolo Toure, varnarmaður Man. City, saknar greinilega bróður síns, Yaya, leikmanns Barcelona, því hann hefur biðlað til hans að yfirgefa Barcelona og koma til Englands.

Yaya Toure hefur í nokkurn tíma verið orðaður við önnur félög og Kolo vill að City kaupi hann.

„Ég vona svo innilega að hann komi til okkar. Hann er góður leikmaður og við yrðum sterkara lið með hann innanborðs," sagði Kolo.

„Hann hefur átt svolítið erfitt uppdráttar hjá Barca. Hann spilar ekki mikið sem er ekki gott þar sem hann elskar að spila fótbolta."