Rooney tæpur fyrir Liverpool-leikinn

Wayne Rooney er tæpur fyrir leik Manchester United gegn Liverpool í ensku úrvalsdeildinni nú á sunnudaginn.

Rooney hefur misst af síðustu tveimur leikjum United vegna meiðsla og sagði Alex Ferguson, stjóri United, að hæpið væri að hann gæti spilað í leiknum.

Darren Fletcher er einnig tæpur fyrir leikinn vegna meiðsla en þeir Ryan Giggs og Patrice Evra eru klárir í slaginn.

Útlitið hjá Liverpool er bjartara en áður en Fernando Torres er vongóður um að ná leiknum og þá hefur Glen Johnson náð sér af sínum meiðslum. Steven Gerrard þykir hins vegar enn tæpur.