Terry efast um styrkleika Liverpool

John Terry, fyrirliði Chelsea, er á því að Liverpool hafi ekki yfir að ráða eins sterkum leikmannahópi og Chelsea og hann efast um hvort hópurinn sé nógu góður yfir höfuð.

Terry er ekki einn að efast um styrkleika leikmannahóps Liverpool en veikleikarnir hafa sýnt sig í undanförnum leikjum þegar hefur vantað Gerrard og Torres. Umræðan um að Liverpool sé aðeins tveggja manna lið hefur líklega aldrei verið háværari.

„Ég veit ekki hvað er málið en þegar þá vantar Stevie og Torres þá vantar ansi mikið og enginn virðist geta fyllt skörðin," sagði Terry.

„Við erum afar lánsamir hjá Chelsea því síðan Roman keypti liðið hefur verið mikil breidd í okkar leikmannahópi. Sást best þegar Kalou skorar tvisvar er okkur vantaði Drogba.

Margir héldu að við yrðum í erfiðleikum án Didier en það var alls ekki málið. Ef Liverpool missir Torres hver kemur þá inn? Þetta er erfið staða hjá Liverpool."