Brown vonast til að halda starfi sínu hjá Hull

Það gengur mikið á hjá Hull City þessa dagana en stjórnarformaður félagsins, Paul Duffen, er hættur hjá félaginu. Í gær var talið að búið væri að sparka stjóranum, Phil Brown, en hann vonast til að starfa áfram fyrir félagið.

„Þessi afsögn breytir engu um mína stöðu. Leikmennirnir standa allir þétt á bak við mig og munu vonandi sýna það gegn Burnley um helgina," sagði Brown.

Duffen sagði sjálfur upp starfi sínu. Hull byrjaði tímabilið frábærlega í fyrra en missti svo flugið og rétt slapp við fall á endnaum.

Tímabilið í ár hefur síðan ekki byrjað eins vel og vonast var til.