Sigmundur Ernir talar fyrir Samfylkinguna

Sigmundur Ernir Rúnarsson nýr þingmaður Samfylkingarinnar mun vera einn ræðumanna um stefnuræðu forsætisráðherra á Alþingi í kvöld. Umræðurnar skiptast í þrjá umferðir en forsætisráðherra byrjar á tuttugu mínútna framsögu. Í kjölfarið koma fulltrúar frá öllum flokkum og tala að hámarki 12 mínútur í fyrstu umferð, 6 mínútur í annarri umferð og 5 mínútur í þriðju og síðustu umferð. Umræðurnar verða í beinni útsendingu í útvarpi og sjónvarpi klukkan 19:50 í kvöld.

Röð flokkanna er í öllum umferðum þessi:

Samfylkingin,

Sjálfstæðisflokkur,

Vinstri hreyfingin - grænt framboð,

Framsóknarflokkur og

Borgarahreyfingin - þjóðin á þing.

Ræðumenn Samfylkingarinnar verða í fyrstu umferð Jóhanna Sigurðardóttir forsætisráðherra, Katrín Júlíusdóttir iðnaðarráðherra í annarri og Sigmundur Ernir Rúnarsson, 7. þingmaður Norðausturkjördæmis, í þriðju umferð.

Ræðumenn fyrir Sjálfstæðisflokk verða Bjarni Benediktsson, 2. þingmaður Suðvesturkjördæmis, í fyrstu umferð, Ólöf Nordal, 2. þingmaður Reykjavíkurkjördæmis suður, í annarri umferð og Ásbjörn Óttarsson, 1. þingmaður Norðvesturkjördæmis, í þriðju umferð.

Ræðumenn fyrir Vinstri hreyfinguna - grænt framboð verða Steingrímur J. Sigfússon fjármálaráðherra í fyrstu umferð, í annarri Guðfríður Lilja Grétarsdóttir, 3. þingmaður Suðvesturkjördæmis og í þriðju umferð Ásmundur Einar Daðason, 9. þingmaður Norðvesturkjördæmis.

Fyrir Framsóknarflokk tala Sigmundur Davíð Gunnlaugsson, 8. þingmaður Reykjavíkurkjördæmis norður í fyrstu umferð, í annarri Vigdís Hauksdóttir, 8. þingmaður Reykjavíkurkjördæmis suður og í þriðju umferð Guðmundur Steingrímsson, 8. þingmaður Norðvesturkjördæmis.

Fyrir Borgarahreyfinguna tala í fyrstu umferð Þór Saari, 9. þingmaður Suðvesturkjördæmis, í annarri Birgitta Jónsdóttir, 9. þingmaður Reykjavíkurkjördæmis suður og í þriðju umferð Margrét Tryggvadóttir, 10. þingmaður Suðurkjördæmis.