Heimilin sitja eftir í skuldasúpunni

Hagsmunasamtök heimilanna segja sorglegt að ríkið afskrifi milljarða skuldir fyrirtækja en láti heimilin sitja eftir í skuldasúpunni. Samtökin vilja leiðréttingu á bæði gengistryggðum og verðtryggðum lánum.

Ríkisbankankarnir hafa afskrifað milljarða skuldir hjá fyrirtækjum til að koma þeim aftur á réttan kjöl eftir hrunið. Nýlegasta dæmið er fyrirhuguð afskrift á 30 milljörðum króna hjá Teymi. Hagsmunasamtök heimilanna segja óréttlát að heimilin sitji eftir.

Vésteinn Gauti Hauksson varaformaður samtakanna segir litla lausn felast í þeim úrræðum sem nú séu í boði fyrir heimilin. Hagsmunasamtökin vilji ekki endilega að lán séu afskrifuð heldur að þau verði leiðrétt. Höfuðstól gengistryggðra og verðtryggða lána þyrfti að lækka.

Vésteinn bendir á að lán til heimilanna jafnt verðtryggð sem óverðtryggð hafi hækkað óeðlilega mikið og við því þurfi að bregðast. Vaxtalækkun væri skref í rétta átt að hans mati.