Giftist í þriðja sinn

Randy Taraborelli, sem ritar ævisögu söngkonunnar Madonnu, segir í viðtali við tímaritið Hello! að söngkonan standi í ströngu við að skipuleggja brúðkaup sitt og brasil­ísku fyrirsætunnar Jesus.

„Hann er svo sætur. Hann er stanslaust að hringja í mig," á Madonna að hafa sagt við sína nánustu.

Rætist úr þessum orðrómi mun þetta vera þriðja hjónaband Madonnu. Hún giftist leikaranum Sean Penn árið 1985 en skildi við hann fjórum árum síðar. Hún giftist leikstjóranum Guy Ritchie árið 2000 en þau skildu í fyrra.