Útibústjóra vikið úr starfi vegna meints lögbrots

Einn af útibústjórum Landsbankans hefur orðið uppvís af brotum á starfsreglum bankans samkvæmt tilkynningu sem Landsbankinn sendi frá sér fyrir stundu.

Þar segir að starfsmanninum hafi þegar verið vikið úr starfi og málinu verður í framhaldinu vísað til Fjármálaeftirlits og efnahagsbrotadeildar Ríkislögreglustjóra til frekari rannsóknar.

Samkvæmt áreiðanlegum heimildum Vísis var það útibústjóri aðalbanka Landsbankans við Austurstræti, Guðmundur Ingi Hauksson, sem var vísað frá störfum.

Ekki er ljóst hvað hann á að hafa gert af sér og fengust þær upplýsingar ekki hjá upplýsingafulltrúa bankans þegar eftir þeim var leitað.

Ekki náðist í Guðmund við vinnslu fréttarinnar.