Gæsluvarðhald framlengt í hraðsendingarmáli

Gæsluvarðhald yfir Tómasi Kristjánssyni sem handtekinn var í tengslum við svokallað hraðsendingarmál var framlengt til 30. maí í dag.

Hraðsendingarmálið er komið á borð Ríkissaksóknara og er búist við því að ákæra verði gefín út í málinu áður en gæsluvarðhaldið yfir Tómasi rennur út.

Tómas Kristjánsson hefur setið í gæsluvarðhaldi frá því í janúar vegna svokallaðs hraðsendingarmáls sem snertir innflutning á tæpum fimm kílóum af amfetamíni og 600 grömmum af kókaíni.

Auk Tómasar voru þrír aðrir handteknir og úrskurðaðir í gæsluvarðhald vegna málsins. Annþór Kristján Karlsson, sem síðan hefur hafið afplánun á eftirstöðum dóms sem hann hefur áður hlotið og bræðurnir Jóhannes Páll og Ari Gunnarssyni en þeim hefur síðan verið sleppt.