Þjóðhátíð í Vodafone höllinni að verða klár

Það verður sannkölluð þjóðhátíðarstemning í Vodafone höllinni á morgun þegar landsmenn fylgjast með íslenska handboltalandsliðinu mæta því franska.

Lokaundirbúningur fyrir uppsetningu á risatjaldi fyrir áhorfendur stendur nú yfir. Starfsfólk Nýherja, sem leggur til risatjaldið, hefur unnið að því í kvöld að setja upp skjáinn. Hann er 5 metrar á hæð og 7 metrar á breidd.

Þá verður notaður Sanyo 12 þúsund lumen skjávarpi til þess að varpa leiknum á skjáinn. Ennfremur er unnið að því að setja upp hljóðkerfi sem dreifist jafnt um allan salinn, eða fyrir allt að því 2.500 manns.