Þarf að losa um nokkra tappa

Ögmundur Jónasson, formaður BSRB, hefur „ekkert nema gott að segja um fundinn“ með aðilum vinnumarkaðarins og stjórnvöldum í Ráðherrabústaðnum í gær. Fundurinn hafi ekki skilað niðurstöðum enda ekki efnt til hans í þeim tilgangi. Fyrst og fremst hafi hann átt að tryggja að menn væru í kallfæri hver við annan.

„Rætt var almennt um þá pakka sem eru til umfjöllunar til lausnar á vanda skuldugs fólks og fyrirtækja. Síðan var rætt um hvað væri í kortunum í framhaldinu. Við lögðum ríka áherslu á að gengið yrði frá samningum við sveitarfélögin áður en farið yrði í frekari viðræður um framvinduna á kjaramarkaði. Einhverja tappa þarf að losa um en ég vona að það gerist fyrir mánaðamótin.“