Niðurstaða kjararáðs liggur fyrir

Niðurstaða liggur fyrir um launalækkun æðstu embættismanna ríkisins og verður hún kynnt forsætisráðherra í dag. Þetta sagði Guðrún Zöega, formaður kjararáðs í samtali við Vísi.

Hún segist ekki vilja tjá sig um niðurstöðuna áður en búið er að kynna ráðherra hana. Geir H. Haarde tilkynnti á fréttamannafundi fyrir tíu dögum síðan að hann myndi fara þess á leit við kjararáð að laun þeirra sem heyrðu undir ráðið myndu lækka og taldi að sú lækkun gæti orðið á bilinu 5-15%. Stjórnarskráin kemur þó í veg fyrir að hægt verði að lækka laun Ólafs Ragnars Grímssonar forseta Íslands.