Innlent

Leitarmönnum fjölgað í rúmlega hundrað

Liðsauki frá höfuðborgarsvæðinu, Hellu og Hvolsvelli hefur verið kallaður út til að leita rjúpnaskyttu sem saknað hefur verið frá hádegi. Fjölmennt lið björgunarsveitarmanna hefur leitað mannsins frá því á fjórða tímanum með aðstoð sporhunda, og um tíma tók þyrla Landhelgisgæslunnar þátt í leitinni.

Fleiri en hundrað leitarmenn verða á svæðinu þegar liðsaukinn berst, en líklegt er að það verði eftir rúman klukkutíma. Mannsins er leitað í grennd við Skáldabúðir nálægt Laxárdal. Samkvæmt upplýsingum frá Landsbjörgu er fimbulkuldi á svæðinu, sem er auk þess afar erfitt yfirferðar.




Tengdar fréttir

Rjúpnaskyttu leitað

Björgunarsveitir í Árnessýslu leita nú rjúpnaskyttu sem saknað hefur verið frá því um hádegi. Maðurinn var að veiðum í Laxárdal ásamt þremur öðrum. Þeir fóru hver í sína áttina en höfðu sammælst um að hittast aftur við bíl sinn á hádegi. Þegar hann skilaði sér ekki hófu félagar hans leit að honum, en um þrjú leitið höfðu þeir samband við lögreglu sem kallaði út björgunarsveitir úr Árnessýslu. Um tíma leitaði þyrla landhelgisgæslunnar mannsins, en nú leita hans um fimmtíu björgunarsveitarmenn með sporhunda. Veður á svæðinu er stillt, en töluvert kalt.

Mest lesið


Fleiri fréttir

Sjá meira


×

Mest lesið