Það þarf að draga einhvern til ábyrgðar, segir Bubbi - myndband

„Það er gott að eiga peninga en peningur er ekki guð," sagði Bubbi Morthens meðal annars í hvatningarræðu sinni þegar hann steig á sviðið á samstöðutónleikunum á Austurvelli í hádeginu.

Bubbi lagði ríka áherslu á að Íslendingar láti kærleikann flæða en ekki reiðina í ástandinu sem ríkir í landinu áður en hann spilaði fyrir um þrjú til fjögur hundruð manns sem hlýddu á kónginn ásamt hljómsveit í blíðskaparveðri.

Þá sagði Bubbi að það kæmu tímar þar sem sagt yrði að það þyrfti að draga einhvern til ábyrgðar fyrir það hvernig komið væri fyrir Íslendingum.