Ekki eins góður tónn í öllum viðræðum

Guðmundur Gunnarsson, formaður Rafiðnaðarsambandsins, segir fréttir af góðum tóni í viðræðum Alþýðusambandsins og Samtökum atvinnulífsins gefi ranga mynd af gangi mála.

Þar sé einungis verið að tala um viðræður Starfsgreinasmbandsins, sem semji fyrir verkamenn og Samtök atvinnulífsins. Allt aðra sögu sé að segja af viðræðum iðnaðarmanna og verslunarmanna sem séu þó ríflega helmingur félagsmanna í Alþýðusambandinu við Samtök atvinnulífsins.

Launakefi þessara hópa séu allt öðruvísi upp byggð en launakerfi verkamannanna og mörg atriði í samkomulagsdrögum nýtist verkamönnum vel en iðnaðar- og verlsunarmönnum sáralítið og jafnvel ekkert.