Alvarlegur trúnaðarbrestur orsökin í Bolungarvík 27. apríl 2008 17:15 Frá Bolungarvík. MYND/HALLDÓR SVEINBJÖRNSSON Alvarlegur trúnaðarbrestur er ein af ástæðum þess að uppúr slitnaði í meirihlutasamstarfi A-lista og K-lista í Bolungarvík. Fulltrúar A-lista hafa sent frá sér yfirlýsingu þar sem farið er yfir langan aðdraganda slitanna. Þar segir einnig að mikilvægt sé að þeir fulltrúar sem kosnir eða ráðnir eru til trúnaðarstarfa í opinberri stjórnsýslu gæti hófs í orðavali á opinberum vettvangi. Yfirlýsinguna í heild sinni má sjá hér að neðan: Vegna atburða síðastliðinna daga sjáum við fulltrúar A - listans okkur knúin til að koma eftirfarandi á framfæri: Á haustmánuðum 2007 er farið að gæta óánægju innan raða A - lista með samstarf listanna. Þá leggur oddviti fram á fundi A - lista, tillögu meirihlutans að fjárhagsáætlun bæjarsjóðs. Komu þá upp efasemdaraddir er varða fjárhagsstöðu sveitarfélagsins. Í framhaldi af því óx ólga og óánægja innan A - listans í samstarfinu. Frá þeim tíma er ákvörðun er tekin um framkvæmdir við Félagsheimili Bolungarvíkur, án þess að fjármögnun þess hafði verið tryggð, jókst þrýstingur á oddvita A- listans að endurskoða meirihluta samstarf A - og K - lista. Sá þrýstingur jókst verulega þegar í ljós kom að bæjarsjóður uppfyllti ekki skilyrði lánasjóðs sveitarfélaga fyrir lánveitingu, auk þess að verulegra breytinga fór að gæta á opinberum lánamarkaði. Með því var ljóst að upprunalegar forsendur fyrir framkvæmdum við Félagsheimilið voru brostnar. Varabæjarfulltrúi A - lista hafði á fundi bæjarráðs , óskað eftir að í samningi við verktaka væri ákvæði um framvindu verksins í samræmi við fjármögnun. Í einstökum nefndum bæjarins hefur komið upp trúnaðarbrestur milli meirihlutaaðila og fulltrúar A - lista sniðgengnir í öllu samstarfi innan nefndanna. Vegna þessa munaði minnstu að upp úr samstarfi A - og K - lista slitnaði í vetur. Mikill ágreiningur var milli fulltrúa listanna í umhverfisráði og var haldinn neyðarfundur til að sætta aðila. Tókst að koma í veg fyrir slit en samstarf listanna hefur ekki orðið samt síðan. Segja má að oddviti A - listans hafi framan af haft of mikla trú á að styrkir eða lán úr opinberum sjóðum fengjust fljótlega og þess vegna ekki komið áhyggjum stuðningsmanna sinna nógu vel til skila. Hún hafi enn fremur ekki viljað bóka athugasemdir sem myndu stefna samstarfinu í hættu. Þegar fráfarandi bæjarstjóri gaf út yfirlýsingu varðandi staðsetningu Innheimtustofnunar sveitarfélaga á Flateyri átti forseti bæjarstjórnar (oddviti A-listans) fund með bæjarstjóra og lýsti óánægju sinni með viðbrögð bæjarstjóra. Sú yfirlýsing bæjarstjóra endurspeglaði ekki skoðun meirihluta bæjarstjórnar í því máli enda hafði bæjarstjórn ekki ályktað um málið. Þegar svo oddviti K- lista og jafnframt formaður bæjarráðs ber blak af bæjarstjóra á opinberum vettvangi þrátt fyrir að oddviti A - listans hefði sett ofan í við hann, keyrir um þverbak. Hér verður alvarlegur trúnaðarbrestur milli aðila. Hvergi hefur komið fram hjá fulltrúum A - lista sú fullyrðing að bæjarstjórnarfulltrúar eigi ekki að vera í atvinnurekstri samhliða setu í bæjarstjórn. En samkvæmt sveitastjórnarlögum er skýrt kveðið á um að ef mál tengjast viðkomandi bæjarfulltrúum á einhvern hátt vegna vensla og tengsla ber þeim að víkja. Ávallt skal þetta haft í heiðri. Að framansögðu má vera ljóst að töluverður aðdragandi er að slitum meirihlutasamstarfs A - og K - lista í bæjarstjórn Bolungarvíkur og ekki rétt túlkun að kornið sem fyllti mælinn sé aðalatriðið eins og fram hefur komið í fjölmiðlum síðustu daga. Okkur er ljóst að kjósendur hafa mismunandi skoðanir á því hverjir eigi að vera við stjórn sveitarfélagsins, þannig er lýðræðið, en áður en dómur er felldur er nauðsynlegt að þekkja til forsenda og vega og meta hver staða sveitarfélagsins er til lengri tíma litið vegna ákvarðanna og framkvæmda fráfarandi meirihluta. Við hörmum þá neikvæðu umræðu sem fram hefur farið í kjölfar meirihlutaslita og væntum þess að nú linni. Mikilvægt er að þeir fulltrúar sem kosnir eða ráðnir eru til trúnaðarstarfa í opinberri stjórnsýslu gæti hófs í orðavali á opinberum vettvangi. Bolungarvík 27. apríl 2008 Anna Sigríður Jörundsdóttir Guðbjartur Jónsson Guðrún Benediktsdóttir Katrín Gunnarsdóttir Sunna Reyr Sigurjónsdóttir Mest lesið Of snemmt að kenna bikblæðingum um Innlent Alvarlegt rútuslys í Öxnadal Innlent Þeir sem „brjóta alvarlega af sér“ verði sviptir dvalarleyfum Innlent Átök á lokametrunum: Saka ríkisstjórn um að „slátra“ samgönguáætlun Innlent Íþróttafélög hafa sum selt áfengi í leyfisleysi Innlent Tónlistarmaðurinn Róbert Örn er fallinn frá Innlent Kynntu á annað hundrað aðgerðir í loftslagsmálum Innlent Refsing manns sem nauðgaði þroskaskertum konum milduð verulega Innlent Vill losna við lífverði Bjarna úr þinghúsinu Innlent Brenna landnámsbæ til kaldra kola í tilraunaskyni Innlent Fleiri fréttir Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Sjá meira
Alvarlegur trúnaðarbrestur er ein af ástæðum þess að uppúr slitnaði í meirihlutasamstarfi A-lista og K-lista í Bolungarvík. Fulltrúar A-lista hafa sent frá sér yfirlýsingu þar sem farið er yfir langan aðdraganda slitanna. Þar segir einnig að mikilvægt sé að þeir fulltrúar sem kosnir eða ráðnir eru til trúnaðarstarfa í opinberri stjórnsýslu gæti hófs í orðavali á opinberum vettvangi. Yfirlýsinguna í heild sinni má sjá hér að neðan: Vegna atburða síðastliðinna daga sjáum við fulltrúar A - listans okkur knúin til að koma eftirfarandi á framfæri: Á haustmánuðum 2007 er farið að gæta óánægju innan raða A - lista með samstarf listanna. Þá leggur oddviti fram á fundi A - lista, tillögu meirihlutans að fjárhagsáætlun bæjarsjóðs. Komu þá upp efasemdaraddir er varða fjárhagsstöðu sveitarfélagsins. Í framhaldi af því óx ólga og óánægja innan A - listans í samstarfinu. Frá þeim tíma er ákvörðun er tekin um framkvæmdir við Félagsheimili Bolungarvíkur, án þess að fjármögnun þess hafði verið tryggð, jókst þrýstingur á oddvita A- listans að endurskoða meirihluta samstarf A - og K - lista. Sá þrýstingur jókst verulega þegar í ljós kom að bæjarsjóður uppfyllti ekki skilyrði lánasjóðs sveitarfélaga fyrir lánveitingu, auk þess að verulegra breytinga fór að gæta á opinberum lánamarkaði. Með því var ljóst að upprunalegar forsendur fyrir framkvæmdum við Félagsheimilið voru brostnar. Varabæjarfulltrúi A - lista hafði á fundi bæjarráðs , óskað eftir að í samningi við verktaka væri ákvæði um framvindu verksins í samræmi við fjármögnun. Í einstökum nefndum bæjarins hefur komið upp trúnaðarbrestur milli meirihlutaaðila og fulltrúar A - lista sniðgengnir í öllu samstarfi innan nefndanna. Vegna þessa munaði minnstu að upp úr samstarfi A - og K - lista slitnaði í vetur. Mikill ágreiningur var milli fulltrúa listanna í umhverfisráði og var haldinn neyðarfundur til að sætta aðila. Tókst að koma í veg fyrir slit en samstarf listanna hefur ekki orðið samt síðan. Segja má að oddviti A - listans hafi framan af haft of mikla trú á að styrkir eða lán úr opinberum sjóðum fengjust fljótlega og þess vegna ekki komið áhyggjum stuðningsmanna sinna nógu vel til skila. Hún hafi enn fremur ekki viljað bóka athugasemdir sem myndu stefna samstarfinu í hættu. Þegar fráfarandi bæjarstjóri gaf út yfirlýsingu varðandi staðsetningu Innheimtustofnunar sveitarfélaga á Flateyri átti forseti bæjarstjórnar (oddviti A-listans) fund með bæjarstjóra og lýsti óánægju sinni með viðbrögð bæjarstjóra. Sú yfirlýsing bæjarstjóra endurspeglaði ekki skoðun meirihluta bæjarstjórnar í því máli enda hafði bæjarstjórn ekki ályktað um málið. Þegar svo oddviti K- lista og jafnframt formaður bæjarráðs ber blak af bæjarstjóra á opinberum vettvangi þrátt fyrir að oddviti A - listans hefði sett ofan í við hann, keyrir um þverbak. Hér verður alvarlegur trúnaðarbrestur milli aðila. Hvergi hefur komið fram hjá fulltrúum A - lista sú fullyrðing að bæjarstjórnarfulltrúar eigi ekki að vera í atvinnurekstri samhliða setu í bæjarstjórn. En samkvæmt sveitastjórnarlögum er skýrt kveðið á um að ef mál tengjast viðkomandi bæjarfulltrúum á einhvern hátt vegna vensla og tengsla ber þeim að víkja. Ávallt skal þetta haft í heiðri. Að framansögðu má vera ljóst að töluverður aðdragandi er að slitum meirihlutasamstarfs A - og K - lista í bæjarstjórn Bolungarvíkur og ekki rétt túlkun að kornið sem fyllti mælinn sé aðalatriðið eins og fram hefur komið í fjölmiðlum síðustu daga. Okkur er ljóst að kjósendur hafa mismunandi skoðanir á því hverjir eigi að vera við stjórn sveitarfélagsins, þannig er lýðræðið, en áður en dómur er felldur er nauðsynlegt að þekkja til forsenda og vega og meta hver staða sveitarfélagsins er til lengri tíma litið vegna ákvarðanna og framkvæmda fráfarandi meirihluta. Við hörmum þá neikvæðu umræðu sem fram hefur farið í kjölfar meirihlutaslita og væntum þess að nú linni. Mikilvægt er að þeir fulltrúar sem kosnir eða ráðnir eru til trúnaðarstarfa í opinberri stjórnsýslu gæti hófs í orðavali á opinberum vettvangi. Bolungarvík 27. apríl 2008 Anna Sigríður Jörundsdóttir Guðbjartur Jónsson Guðrún Benediktsdóttir Katrín Gunnarsdóttir Sunna Reyr Sigurjónsdóttir
Mest lesið Of snemmt að kenna bikblæðingum um Innlent Alvarlegt rútuslys í Öxnadal Innlent Þeir sem „brjóta alvarlega af sér“ verði sviptir dvalarleyfum Innlent Átök á lokametrunum: Saka ríkisstjórn um að „slátra“ samgönguáætlun Innlent Íþróttafélög hafa sum selt áfengi í leyfisleysi Innlent Tónlistarmaðurinn Róbert Örn er fallinn frá Innlent Kynntu á annað hundrað aðgerðir í loftslagsmálum Innlent Refsing manns sem nauðgaði þroskaskertum konum milduð verulega Innlent Vill losna við lífverði Bjarna úr þinghúsinu Innlent Brenna landnámsbæ til kaldra kola í tilraunaskyni Innlent Fleiri fréttir Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Sjá meira