Drogba ákveður sig á næstu 10 dögum

Umboðsmaður framherjans Didier Drogba hjá Chelsea segir að hann muni taka ákvörðun um framtíð sína innan tíu daga.

Fílstrendingurinn hefur verið orðaður talsvert við félög utan Englands, ekki síst við Inter Milan þar sem lærifaðir hans Jose Mourinho er nú við stjórnvölinn.

Talið er að Barcelona og AC Milan séu líka hrifin af því að fá kappann, en Luiz Scolari, þjálfari Chelsea, segir að Drogba sé algjör lykilmaður í plönum sínum á Stamford Bridge.

"Didi er búinn að setja sér markmið um að ákveða sig innan tíu daga. Ef ekkert gerist innan 10 daga, verður hann áfram hjá Chelsea og framlengir samning sinn þar," sagði umboðsmaðurinn.