Ljósmæður funda með samninganefnd ríkisins í Karphúsinu

Nú stendur yfir samningafundur Ljósmæðrafélags Íslands og ríkissáttasemjara í Karphúsinu en þetta er fyrsti samningafundur deiluaðilanna í nærri heilan mánuð.

Ljósmæður neituðu að skrifa undir samning sem Bandalag háskólamanna gerði við ríkið í byrjun júlí en í tilkynningu frá Ljósmæðrafélagi Íslands nú segir að að ljósmæður hafi lýst yfir vilja til þess að ganga að samningnum en viðræður hafi strandað á kröfu ljósmæðra um leiðréttingu á röðun félagsmanna í launatöflu ríkisins. Leiðréttingin sé nauðsynleg til að störf og menntun ljósmæðra verði metin til jafns við stéttir í þjónustu ríkisins með sambærilegan bakgrunn.

Ljósmæðrafélagið hefur boðað félagsmenn til fundar kl. 20 í kvöld en þar á að fara yfir niðurstöðu samningafundar dagsins og tekin ákvörðun um hvort þörf verði á aðgerðum.