Angelina Jolie gefur brjóst

Angelina Jolie segir í forsíðuviðtali við W tímaritið að hún hafi aldrei gert áætlanir um að eignast börn fyrr en hún kynntist Brad sem fékk hana til að skipta um skoðun.

„Ég horfði á Brad, elskaði hann og fann að ég varð opnari fyrir því að verða ólétt. Allt í einu fann ég að ég var tilbúin. Þetta er eitt af því sem er óútskýranlegt," segir Angelina.

„Ég ber mikla virðingu fyrir Brad. Hann hjálpar mér að verða betri og berst fyrir því sem ég elska og þrái. Ég er sannfærð um að ég er í góðu sambandi. Ég þurfti bara rétta manninn."

Angelina prýðir forsíðumynd tímaritsins W en það sem merkilegra þykir er að Brad tók myndina af henni gefa tvíburanum Knox Leon eða Vivienne Marcheline brjóst.