Menningarnótt sett á Óðinstorgi - Sölva Ford syngur

Setning 13. Menningarnæturinnar fer fram í dag kl. 13:00 á Óðinstorgi.

Borgarstjóri, Hanna Birna Kristjánsdóttir, setur hátiðina.

Að setningu lokinni frumflytur Þórarinn Eldjárn rithöfundur og borgarlistamaður Menningarnæturljóð og færeyska söngkonan Sölva Ford, sem Ólafur F. Magnússon bauð sérstkalega til Íslands eftir að hafa hrifist að söng hennar í Færeyjum, syngur nokkur lög ásamt Björgvini Gíslasyni gítarleikara.

Liðlega 400 viðburðir eru í boði frá hádegi til miðnættis - frá Miklatúni að Háskólatorgi, tónlist, leiklist, dans, hönnun og blanda af öllu saman fyrir alla aldurshópa.

Dagskrárrit Menningarnætur má finna víðsvegar í miðborginni en dagskráin er einnig á heimasíu hátíðarinnar, menningarnott.is