Óánægðir Hafnfirðingar boða bæjarstjóra á sinn fund

Foreldraráð Hvaleyrarskóla mótmælir harðlega tillögu að breyttu deiliskipulagi við Reykjanesbraut í Hafnarfirði. Þau segja að aukin umferð beint inn af hraðbraut ógni öryggi skólabarna og annarra vegfarenda. Foreldraráðið hefur boðað bæjarstjóra og formann skipulags- og byggingaráðs á fund sinn.

Breyting deiliskipulagsins felst í því að Reykjanesbraut verði fjögurra akreina frá Áslandi að Hellnahrauni. Þessu fylgja ýmsar breytingar, svo sem mislæg gatnamót auk bygging hljóðmana og hljóðveggja. Þá stendur til að beina umferð af Reykjanesbraut inn á Suðurbraut í Hvaleyrarhrauni, og er þetta gert til að dreifa umferðinni inn í Hafnarfjörð. Foreldraráð Hvaleyrarskóla hefur áhyggjur af þessum breytingum og telur öryggi skólabarna og annarra vegfarenda ógnað.

Deiliskipulagið tekið fyrir á bæjarstjórnarfundi næstkomandi þriðjudag. Foreldraráðið mótmælti breytingunni í mars þegar það var kynnt, en Sveindís segir engin gögn liggja fyrir hjá Hafnarfjarðarbæ um að þau hafi verið tekin til greina. Þess vegna hefur foreldraráðið boðið til opins fundar með Lúðvíki Geirssyni, bæjarstjóra í Hafnarfirði annað kvöld.