Moratti: Höfum gert allt sem við getum

Massimo Moratti, forseti Inter, segir að félagið hafi gert allt sem hægt er til að klófesta Frank Lampard. Chelsea hefur neitað tilboðum í leikmanninn.

„Við höfum gert það sem við getum og nú er þetta bara í höndum leikmannsins," segir Moratti sem vill að Lampard gefi það sjálfur út að hann vilji fara.

Julio Cruz, leikmaður Inter, vonar innilega að Lampard verði samherji sinn. „Leikjaálagið er mikið og við þurfum að hafa sem mest af sterkum leikmönnum. Lampard er í heimsklassa," sagði Cruz.