Barry fékk óblíðar móttökur

Stuðningsmenn Aston Villa létu óánægju sína með Gareth Barry bersýnilega í ljós í gær þegar liðið lék æfingaleik gegn Walsall. Barry fékk að heyra það þann klukkutíma sem hann lék í leiknum.

Barry var refsað af félaginu fyrir að gagnrýna knattspyrnustjórann Martin O'Neill fyrir skömmu. Barry var fyrirliði Villa en hann gaf það út að hann vildi fara frá félaginu og ganga til liðs við Liverpool.

Barry var í fyrstu bannað að mæta til æfinga hjá Villa en fékk síðan leyfi til þess og lék í 3-2 sigri á Walsall í æfingaleik í gær. Stuðningsmenn Villa eru ansi ósáttir við framkomu Barry.