Samaras samdi við Celtic

Gríski framherjinn Georgios Samaras gerði í dag þriggja ára samning við skosku meistarana í Glasgow Celtic. Þessi 23 ára gamli leikmaður stóð sig vel sem lánsmaður hjá Celtic frá Manchester City á síðustu leiktíð og hefur nú gengið frá endanlegum félagskiptum.

Samaras var keyptur til City frá Heerenveen fyrir 6 milljónir punda í janúar árið 2006 og þó kaupverðið nú hafi ekki verið gefið upp, er ljóst að enska úrvalsdeildarfélagið er að tapa talsvert á viðskiptum sínum með gríska leikmanninn.