Ritstjóri Kastljóss tjáir sig ekki um lögsókn

Þórhallur Gunnarsson, ritstjóri Kastljóss, vildi lítið tjá sig um stefnu sonar og tengdadóttur Jónínu Bjartmarz, fyrrverandi umhverfisráðherra, á hendur útvarpsstjóra og ritstjórn Kastljóss.

Parið fer fram á að fá greiddar samtals 3,5 milljónir króna í miskabætur og verði dæmd fyrir ærumeiðingar vegna umfjöllunar um ríkisborgararétt tengdadótturinnar í Kastljósi.

„Þau hafa fullan rétt á að leita réttar síns ef þau telja að á sér sé brotið, síðan verður bara að koma í ljós hver niðurstaðan verður," sagði Þórhallur þegar Vísir leitaði viðbragða hjá honum.