Meirihlutinn heldur þótt Vilhjálmur hætti

Ólafur F. Magnússon sagði í fréttum Stöðvar 2 í kvöld að meirihluti hans og Sjálfstæðismanna væri ekki í hættu þótt Vilhjálmur Þ. Vilhjálmsson hætti sem borgarfulltrúi.

Vilhjálmur sagði á blaðamannafundi í dag að hann hyggðist sitja út kjörtímabilið en væri ekki búinn að taka ákvörðun um hvort hann hyggðist taka við borgarstjórastólnum eftir 13 mánuði eins og samið hefur verið um.

Ólafur sagði jafnframt að það mundi ekki hafa áhrif á samstarf sitt við Sjálfstæðismenn þótt Vilhjálmur kjósi að láta einhverjum samflokksmanni sínum eftir að sitjast í stól borgarstjóra.