Óveðursviðbúnaður á Keflavíkurflugvelli

Stjórnstöð almannavarna á Keflavíkurflugvelli var mönnuð nú síðdegis vegna óveðursviðbúnaðar. Suðaustan stormur með rigningu gengur nú yfir með hviðum sem ná allt að 40 metra hraða á sekúndu.

Öryggismörk til afgreiðslu flugvéla við flugstöðina á Keflavíkurflugvelli eru við 26 metra vindhraða og ekki hægt að afgreiða flugvélar við slíkar aðstæður. Flugvélar sem lenda þegar þannig háttar til verða að bíða afgreiðslu þangað til vindstyrkur fer niður í þau mörk sem leyfa notkun landgöngubrúa. Ef flugvélar eru við landgöngubrýr þegar vindur nær 25 m. sek. verður að færa brú frá og bíða þess að dragi úr vindi.

Engin hálka er á flugvellinum og hvassviðri hefur jafnan ekki áhrif á flugtök og lendingar nema það standi á milli flugbrauta. Slíkar aðstæður sköpust um hríð nú á fimmta tímanum og varð ein flugvél að hverfa frá og hélt til Egilsstaða. Aðrar flugvélar sem á áætlun voru eru lentar.