Hollywood gerir mynd um Bobby Fischer

Ný kvikmynd um Bobby Fischer er í bígerð í Hollywood. Það eru kvikmyndafyrirtækin Universal og Working Title sem hafa komið sér saman um gerð myndarinnar.

Myndin verður byggð á bókinni "Bobby Fischer Goes to War" eða Bobby Fischer heldur í stríð en þar var lögð áhersla á heimsmeistaraeinvígið hér á landi 1972. Greint er frá þessu í fagblaðinu Variety.

Það er Kevin MacDonald sem leikstýra mun myndinni og hefst hann handa um leið og hann hefur lokið gerð myndarinnar State Of Play sem mun vera pólitísk hasarmynd.