Unnusta Fischer komin til landsins

Unnusta Bobby Fischer, Miyoko Watai, kom til landsins í nótt. Einar S. Einarsson, forsvarsmaður stuðningsmannahóps Fischers segir að til standi að funda með henni á næstunni. Þá verði farið yfir það hvernig staðið verði að útför Fischers.

Í fjölmiðlum undanfarið hefur verið rætt um þá hugmynd að jarða Fischer í þjóðargrafreitnum á Þingvöllum. Einar segir í samtali við Vísi að sú hugmynd hafi veið sett fram í rælni. „Þetta var aldrei rætt í alvöru. Við erum hins vegar þeirrar skoðunar að huga þurfi vandlega að því hvernig standa á að útförinni. Frægð þessa manns er slík að það skiptir miklu máli um hvernig að þessu verður staðið."