Á tvöföldum hámarkshraða á Reykjanesbraut

Karlmaður á þrítugsaldri ók á 137 kílómetra hraða á Reykjanesbraut nærri Vífilsstaðavegi, þar sem hámarkshraði er 70. Tuttugu og þrjú umferðaróhöpp voru tilkynnt til lögreglunnar á höfuðborgarsvæðinu í gær. Flest voru þau minniháttar en í tveimur tilfellum var um afstungu að ræða.

Karl um fertugt var tekinn fyrir ölvunarakstur í Grafarholti í gær. Í Breiðholti stöðvaði lögreglan för liðlega tvítugs pilts sem var í annarlegu ástandi undir stýri en sá síðari hafði jafnframt þegar verið sviptur ökuleyfi.

Fleiri réttindalausir ökumenn voru stöðvaðir í umferðinni í gær, en þrítugur karl sem ók vörubíl í Hvalfirði var réttindalaus. Sama átti við um karl á þrítugsaldri sem var stöðvaður í Hamrahlíð en sá hefur ítrekað ekið án réttinda. Þá var 15 ára piltur á skellinöðru stöðvaður í Kópavogi en hann var réttindalaus. Sá var heldur ekki með hjálm og það sama átti við um farþega hans sem er 14 ára.