Enn beðið eftir rökstuðningi Árna

Árni M. Mathiesen, settur dómsmálaráðherra sem skipaði Þorstein Davíðsson Oddssonar í embætti héraðsdómara, hefur enn ekki sett saman rökstuðning fyrir þeirri ákvörðun.

Árni lýsti því yfir fyrir jól að hann myndi skila ítarlegum rökstuðningi fyrir embættisveitingunni eftir áramót í kjölfar harðrar gagnrýni en þrír umsækjendur voru taldir hæfari en Þorsteinn af faglegri matsnefnd. Rökstuðnings Árna er að vænta en ekki er vitað hvenær, samkvæmt upplýsingum úr ráðuneytinu.