Uppfært - Glæsisnekkja Jóns Ásgeirs og Ingibjargar í virtu bátatímariti

Tímaritið Boat International, sem sérhæfir sig í umfjöllun um glæsisnekkjur, eyddi heilum ellefu síðum í umfjöllun um snekkjuna One O One, sem er í eigu hjónanna Jóns Ásgeirs Jóhannessonar og Ingibjargar Pálmadóttur.

Blaðamaður tímaritsins ræðir við Ingibjörgu í viðtalinu en þar kemur fram að hún hannaði innviði snekkjunnar í samstarfi við innanhússhönnuði Heesen-skipasmíðastöðinni í Hollandi sem smíðaði snekkjuna.

Sjón er sögu ríkari en umfjöllun blaðsins mátti sjá hér. Hún hefur nú verið fjarlægð af heimasíðunni, en þeir sem vilja skoða umfjöllunina geta kíkt á meðfylgjandi pdf-skjal.