Tilkynnti á Netinu að hann ætlaði að láta til skarar skríða

Maður sem myrti sjö í hnífaárás í Japan í gær tilkynnti hvar og hvenær hann ætlaði að láta til skarar skríða í netskilaboðum skömmu áður en ódæðin voru framin. Japönsk yfirvöld íhuga að takmarka veiðihnífaeign þar í landi en hörð byssulöggjöf er sögð hafa fækkað byssuárásum til muna.

Vegfarandi tók þessar myndir fimm mínútum eftir að ódæðismaðurinn hafi látið til skarar skríða. Fórnarlömb mannsins liggja á götunni og vegfarendur reyna hvað þeir geta til að aðstoða þau.

Tomohiro Kato, tuttugu og fimm ára, hefur verið ákærður fyrir að aka sendiferðabíl sínum inn í þvögu á fjölfarinni götu í Akihabara-verslunarhverfinu í Japan og leggja til sautján manns þar með hnífi. Sjö létust.

Talsmaður lögreglu segir að Kato hafi sent fjölmörg skilaboð úr farsíma sínum á spjallsíðu á netinu þar sem hann sagðist ætla að myrða fólk á þessari tilteknu verslunargötu. Skilaboðin birtust skömmu áður en framdi morðin. Kato var albóðugur þegar lögregla handtók hann á morðstaðnum.

Íbúum í Tokyo er brugðið vegna árásarinnar en morðtíni er hlutfallslega lág í þessari nærri þrettán milljóna manna borg.

Ættingjar og vinir hinna látnu og særðu komu saman á verslunargötunni í morgun og lögðu þar niður blómsveigi til minningar um ástvini og báðu fyrir þeim sem liggja sárir.

Ströng byssulöggjöf er í gildi í Japan og skotárásir afar fáar. Hnífaárásir eru hins vegar tíðari og nú íhuga yfirvöld að takmarka veiðihnífaeign japana. Þannig hnífur var notaður í árásinni í gær.