Alvarlegt bílslys í Vatnsfirði

Kona og karlmaður slösuðust alvarlega þegar bíll þeirra fór út af veginum í Vatnsfirði, skammt frá Flókalundi á Barðaströnd undir kvöld í gær. Konan hryggbrotnaði og karlinn bringubeinsbrotnaði, en annað þeirra kastaðist út úr bílnum.

Kallað var á þyrlu Landhelgisgæslunnar, sem flultti fólkið á Landsspítalann í Fossvogi. Tildrög slyssins liggja ekki fyrir, en bíllinn er gjör ónýtur. Kona og tvö ung börn sluppu hins vegar lítið meidd þegar bíll þeirra valt út af þjóðveginum í grennd við Grímsstaði á Fjöllum síðdegis í gær. Þau voru flutt á sjúkrahúsið á Akureyri til aðhlynningar. Talið er að konan hafi dottað við stýrið með þeim afleiðingum að bíllinn fór út af.