Lítill meistarabragur á United í Afríku

Manchester United varð að gera sér að góðu 1-1 jafntefli gegn Kaizer Chiefs í fyrsta leik sínum á Vodacom Challenge mótinu í Suður-Afríku í dag.

United lenti undir í leiknum þegar Jonathan Quartey skoraði úr vítaspyrnu í fyrri hálfleik Chris Eagles jafnaði leikinn um miðjan síðari hálfleikinn.

Evrópumeistararnir voru ekki sérlega sannfærandi í leiknum þrátt fyrir að tefla fram mörgum af sínum helstu stjörnum.

Fyrirliðinn Gary Neville spilaði annan leik sinn á viku með United liðinu og virðist vera að ná sér af meiðslum sem hafa gert honum lífið leitt í háa herrans tíð.