60 kannabisplöntur í ræktun og 100 grömm af kókaíni í endaþarmi

Lögreglan á höfuðborgarsvæðinu lagði hald á um 60 kannabisplöntur á ýmsum stigum ræktunar og um 100 grömm af kókaíni í húsleit í Garðabæ á sunnudag.

Fram kemur í tilkynningu lögreglunnar að tveir karlar, annar á þrítugsaldri en hinn á fertugsaldri, hafi handteknir og yfirheyrðir í tengslum við rannsókn málsins en efnin voru ætluð til sölu. Yngri maðurinn, sem var handtekinn við komu til landsins aðfaranótt mánudags, var með rúmlega 100 grömm af kókaíni falin í endaþarmi.

Aðgerðin var liður í átaki lögreglunnar gegn fíkniefnasölu. Hún minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál.