Nasri búinn að skrifa undir

Arsenal hefur gengið frá kaupum á Samir Nasri, miðjumanni Marseille, en kaupverðið var ekki gefið upp. Þessi 21. árs leikmaður hefur skrifað undir langtímasamning við Arsenal.

„Þetta er mjög mikilvægt skref fyrir mig sem fótboltamann vegna þess að Arsenal er stórt félag," sagði Nasri.

„Hann er ungur, snöggur og stendur öðrum fremri með tækni sinni," sagði knattspyrnustjórinn Arsene Wenger.

Nasri hefur verið kallaður næsti Zidane en hann gekk til liðs við Marseille níu ára gamall. Hann lék sinn fyrsta leik í frönsku deildinni tímabilið 2004-5. Hann er fjölhæfur leikmaður sem getur leikið á báðum köntunum og á miðjunni.

„Á ferli mínum hef ég einnig leikið fyrir aftan sóknarmanninn," sagði Nasri sem skoraði sex mörk í 30 leikjum fyrir franska liðið. Hann gekk upp öll yngri landslið Frakklands og lék svo með A-landsliðinu á Evrópumótinu í sumar.

Hann getur fyllt skarðið sem Alexander Hleb mun skilja eftir sig en hann er líklega á leið til Barcelona. Arsenal hefur þegar misst miðjumanninn Mathieu Flamini til AC Milan og þá er Emmanuel Adebayor eftirsóttur.