Hollywoodstjarna í 66° norður peysu - myndir

Eins og meðfylgjandi myndir sýna er leikarinn Jake Gyllenhaal, sem er 27 ára gamall, klæddur í 66° norður peysu þegar hann yfirgefur bakdyramegin veitingahús í Lundúnum til að forðast ágenga ljósmyndara í gærkvöldi.

Jake er ekki eina stjarnan sem líkar vel við fatnað 66° norður en eins og alþjóð veit þá eru til að mynda Quinten Tarantino og Eli Roth miklir aðdáendur 66° norður.

Jake vinnur 19 klukkustunda vinnudaga í Marokkó og Lundúnum á víxl við tökur á kvikmyndinni Prince of Persia: The Sands of Time, þar sem hann leikur aðalhlutverkið.

Jake er kærasti leikkonunnar Reese Witherspoon, sem er 32 ára gömul.