Stúlkur sluppu vel þegar bíll fór í sjóinn

Þrjár stúlkur sluppu nær ómeiddar þegar bíll þeira rann út af veginum í Skutulsfirði í Ísafjarðarkaupstað í gærkvöldi, fór tvær veltur og hafnaði á hjólunum út í sjó. Þær komust út úr bílnum og óðu í land, en var illa brugðið.

Þær voru fluttar á sjúkrahúsið til aðhlynningar. Bíllinn sökk á bóla kaf og var kafari kallaður á vettvang til að festa taug í bílinn, svo hægt yrði að draga hann á þurrt.

Búið var að leggja laust slitlag á vegarkaflann þar sem óhappið varð, þannig að yfirborðið var laust í sér líkt og lausamöl á malarvegi. Stúlkan sem ók er sautján ára og nýkomin með bílpróf.