Konur í Frjálslyndaflokknum ætla að mótmæla á Sjómannadag

Landsamband kvenna í Frjálslyndaflokknum hefur sent frá tilkynningu þar sem það boðar til mótmæla á sjómannadaginn gegn því sem þær kalla mannréttindabrot stjórnvalda í fiskveiðistjórnunarkerfinu. Er ætlun Landsambandsins að safnast saman fyrir framan Stjórnarráðið á sunnudag og ganga að hafnarbakkanum þar sem hátíðahöld sjómannadagsins fara fram.

Í tilkynningunni hvetur Landsambandið félaga sína til þess að sýna samstöðu og taka þátt í friðsamlegum mótmælum. Mótmælin munu fara þannig fram að tíu konur verða í sjóanúrökkum og með sjóhatt í appelsínugulum litum en sex konur munu bera uppi mótmælaspjöld. Þrátt fyrir að það sé Landsambandið sem boði til mótmælanna eru allir velkomnir að mæta og sýna stuðning.