Madonna tekjuhæsta söngkonan

Poppstjarnan ítalskættaða, Madonna Louise Ciccone, var tekjuhæsta söngkona í heimi á árinu 2007. Samkvæmt tímaritinu Forbes var söngkonan með litla 4,7 milljarða íslenskra króna í tekjur á árinu sem leið.

Stóran hluta tekna sinna fékk Madonna vegna tónleikaferðalags síns sem hún fór um allan heiminn í fyrra, en einnig vegna sölu af hljómdiskum, auglýsingasamnings við H&M og samnings sem hún gerði við sjónvarpsstöðina NBC um útsendingu á tónleikum hennar frá Wembley leikvanginum.

Annars er topp 10 listinn eftirfarandi.

Madonna 4,7 milljarða

Barbra Streisand 3,9 milljarða

Celine Dion 2,9 milljarða

Shakira 2,5 milljarða

Beyonce 1,8 milljarða

Gwen Stefani 1,7 milljarða

Christina Aguilera 1,3 milljarða

Faith Hill 1,2 milljarða

Dixie Chicks 1,2 milljarða

Mariah Carey 845 milljónir

Britney Spears rétt náði að skríða upp í fjórtánda sæti listans með um 520 milljónir íslenskra króna.