Essien skrifar undir

Ganamaðurinn Michael Essien hefur skrifað undir nýjan fimm ára samning við Chelsea. Hann fetar því í fótspor Petr Cech og Wayne Bridge sem framlengdu sína samninga á dögunum.

Essien er 25 ára og hefur leikið vel með Chelsea síðan hann var keyptur á 24 milljónir punda frá Lyon árið 2005. „Ég er mjög ánægður hér. Við höfum frábært lið og magnaða stuðningsmenn," sagði Essien.

„Mér lýst vel á Luiz Felipe Scolari, nýja knattspyrnustjórann, og er bjartsýnn fyrir komandi leiktímabil."