Ólína sækir um tvær toppstöður í HÍ

Umsóknarfrestur um störf forseta fræðasviða við Háskóla Íslands rann út í fyrradag. Alls bárust 25 umsóknir forseta fræðasviða hinna fimm nýju sviða skólans, félagsvísindasviðs, heilbrigðisvísindasviðs, hugvísindasviðs, menntavísindasviðs og verkfræði- og náttúruvísindasviðs.

Rektor velur forseta fræðasviðanna eftir mat valnefndar um hvort viðkomandi umsækjandi uppfylli skilyrði sem fram komu í auglýsingunni. Valnefndin metur einnig hverjir komi helst til greina af þeim sem uppfylla skilyrðin samkvæmt upplýsingum frá Guðrúnu Jóhönnu Guðmundsdóttur sviðstjóra starfsmannasviðs.

Ráðið verður í störfin frá 1. september sem er í þann mund sem háskólinn hefur störf sín að nýju að hausti. Ætti því að koma í ljós í byrjun september hverjir hljóti störfin að sögn Guðrúnar. Ekki var hægt að auglýsa fyrr í störfin þar sem lög um breytingar á Háskóla Íslands fóru ekki í gegnum Alþingi fyrr en við þinglok.

Aðeins einn sótti um starf forseta menntavísindasviðs en flestir sóttu um starf forseta verkfræði-og náttúruvísindasviðs eða átta manns. Einn umsækjenda Ólína Þorvarðardóttir sótti um tvö fræðasvið, hugvísinda- og félagsvísindasvið.

Eftirfarandi sóttu um störfin:

Forseti félagsvísindasviðs:

Árni Sverrisson Prófessor við Stokkhólmsháskóla

Ingjaldur Hannibalsson Prófessor við Háskóla Íslands

Ólafur Þ. Harðarson Prófessor við Háskóla Íslands

Ólína Þorvarðardóttir Sérfræðingur við Háskóla Íslands

Ragnar Árnason Prófessor við Háskóla Íslands

Ragnheiður Þórarinsdóttir Aðstoðarorkumálastjóri

Forseti heilbrigðisvísindasviðs:

Erla Kolbrún Svavarsdóttir Prófessor við Háskóla Íslands

Gunnar Guðmundsson Læknir við LSH

Sigurður Guðmundsson Landlæknir

Stefán B. Sigurðsson Prófessor/deildarforseti við Háskóla Íslands

Þórdís Kristmundsdóttir Prófessor við Háskóla Íslands

Forseti hugvísindasviðs:

Ástráður Eysteinsson Prófessor við Háskóla Íslands

Hólmfríður Garðarsdóttir Dósent við Háskóla Íslands

Jón Ólafsson Prófessor/deildarforseti við Háskólann á Bifröst

Jón Viðar Sigurðsson Prófessor við Háskólann í Osló

Ólína Þorvarðardóttir Sérfræðingur við Háskóla Íslands

Róbert H. Haraldsson Prófessor við Háskóla Íslands

Forseti menntavísindasviðs:

Jón Torfi Jónasson Prófessor við Háskóla Íslands

Forseti verkfræði- og náttúruvísindasviðs:

Ebba Þóra Hvannberg Prófessor við Háskóla Íslands

Einar Stengrímsson Prófessor við Háskólann í Reykjavík

Gísli Már Gíslason Prófessor við Háskóla Íslands

Hafliði Pétur Gíslason Prófessor við Háskóla Íslands

Hannes Jónsson Prófessor við Háskóla Íslands

Kristján Jónasson Dósent við Háskóla Íslands

Sigríður Ólafsdóttir Deildarstjóri

Vala Ragnarsdóttir Prófessor við Háskólann í Bristol