Bellamy missti stjórn á skapi sínu

Breska lögreglan mun yfirheyra Craig Bellamy hjá West Ham vegna atviks sem átti sér stað í æfingaleik gegn Ipswich í gær. Bellamy missti stjórn á skapi sínu eftir að hafa farið af velli vegna meiðsla.

Á 24. mínútu þurfti Bellamy að yfirgefa völlinn. Hann byrjaði á því að sparka í auglýsingaskilti við völlinn og lenti svo í orðaskaki við áhorfenda.

Bellamy var nýbúinn að koma Wes Ham í 2-1 í leiknum sem endaði 5-3 fyrir West Ham. Ekki er komið í ljós hve lengi Bellamy verður frá vegna meiðslana sem hann hlaut.

Bellamy er þekktur fyrir að vera mikill skaphundur og hefur oft komist í blöðin vegna þess. Þekktasta dæmið er líklega þegar hann réðst á samherja sinn með golfkylfu þegar hann var í herbúðum Liverpool.