Fær AC Milan Berbatov á afslætti?

Sögusagnir eru í gangi um að Tottenham vilji alls ekki selja sóknarmanninn Dimitar Berbatov til Manchester United. Í nokkrum fjölmiðlum er sagt að félagið hafi boðið AC Milan að fá leikmanninn á afsláttarverði.

Búist er við að þessi búlgarski landsliðsmaður sé á leið frá Tottenham. Hann hefur lýst yfir áhuga á að fara til United en vegna deilna milli ensku félagana er talið að Tottenham vilji gera ýmislegt til að koma í veg fyrir að Berbatov fari á Old Trafford.

AC Milan er í leit að sóknarmanni fyrir komandi tímabil. Þá eru nokkur ensk götublöð sem halda því fram að Barcelona sé farið að horfa til Berbatov og því ljóst að það verður hart barist um leikmanninn.