Innlent

Flutningabíll með tengivagni valt í Hrútafirði

MYND/Róbert

Stór flutningabíll með tengivagni valt út af þjóðveginum í Hrútafirði í gærkvöldi og varð að loka veginum um tíma.

Vagninn valt uppi á veginum en við það splundraðist yfirbyggingin og margs konar varningur, meðal annars áfengi, dreifðist um allt. Í sömu andrá bar að jeppa, sem ók á leifarnar af vagninum en glæra hálka hafði myndast á veginum þannig að ekki var stætt.

Ökumennirnir sluppu báðir nær ómeiddir en nokkurn tíma tók að hreinsa varninginn af veginum og fjarlægja vagn og bíla.

Mest lesið


Fleiri fréttir

Sjá meira


×

Mest lesið