Deila OR og Guðmundar snýst um 7 milljóna króna Land Cruiser

Bifreiðin sem Orkuveita Reykjavíkur lét Guðmundi Þóroddssyni, þáverandi forstjóra fyrirtækisins, í té er 2006 árgerð af Toyota Land Cruiser 100. Slík bifreið kostar á bilinu 6,5 - 7 milljónir króna, samkvæmt upplýsingum á vef Bílgreinasambandsins.

Guðmundur sagði í samtali við Vísi í gær að hann hyggist ekki skila bifreiðinni. Hann hefur áður sagt að hann hafi ráðfært sig við lögfræðinginn sem gerði ráðningasamninginn fyrir Orkuveituna og hann hafi sagt sér að bíllinn væri hluti af kjörum Guðmundar, sem hann ætti að njóta á meðan hann væri á launum.

Í gær skilaði Guðmundur umdeildum fundargögnum, sem stjórnendur Orkuveitunnar höfðu krafið hann um.