Yfirlögregluþjónn: Stofna almenningi í hættu

Til harðra átaka kom um ellefuleytið á milli lögreglu og vörubílstjóra á Suðurlandsvegi, skammt frá Rauðavatni, og voru nokkrir menn handteknir.

Lögreglan á höfuðborgarsvæðinu naut liðsinnis sérsveitarmanna og var piparúða beitt til að hafa hemil á bílstjórunum.

Hörður Jóhannesson yfirlögregluþjónn segir að það geti alltaf skapað hættu ef bílstjórar loki stofnæðum í borginni.

Heimildir herma að hið minnsta einn lögreglumaður hafi meiðst í átökunum og þá meiddist vöruflutningabílstjóri þegar hann fékk piparúða í augun.